Nahiz eta urte guztian zehar Info7 irratiko komunitatearekin 10. urtemuga ospatzeko asmoa izan, pastelaren kandelak itzaltzeko urte hauetan bidaide izan diren bi lagunekin izan gara: Gari Mujikarekin eta Ion Telleriarekin. Irratian hasi zirenekoak gogoratu ditugu, baita proiektuaren izanaz eta funtsaz. Biek dute amankomunean Info7 irratian zirenean atxilotu eta espetxeratu zituztela. Kontatu digute Telleria Sotoko espetxera eraman zutenean Mujikarekin elkartu zela han, eta urtemuga ospatu zutela patioan.