Instituzioei aurre hartuz errefuxiatuei Euskal Herrian ongi etorria emateko ekimenak eta sareak antolatzen ari dira herri ekimenetik. Gipuzkoa, Lapurdi eta Nafarroan martxan dira hainbat plataforma, horietara jo dugu eta Cimade elkarteko Amaia Fontang eta Sos Arrazakeriako Mikel Mazkiaranekin hitz egin dugu. Erakunde publikoen inplikazioa ezinbestekotzat jotzen dute eta argi dute iritsiko diren errefuxiatuen zein dagoeneko hemen ditugunen eskubideak bermatu behar direla.