Gaur zabalduko du Mugarik Gabe elkarteak 'Memoria Eraikiz' izeneko gunea Donostiako Easo plazan. «Indarkeria matxisten biktimak eta bizirik dirauten emakumeen ahotsak» entzungo dira, «eurenganako elkartasuna adierazi eta indarkeria matxisten aurrean jendarteak duen erantzukizun kolektiboa ulertzeko» Joana Etxanoren esanetan. Instalazio artistikoak lagunduta pase ezberdinak egingo dira. Donostiatik beste herrietarako bidea hartuko du 'Memoria Eraikiz' ekimenak.