Abenduaren 17a da, igandea, goizeko 7.00ak. Iritsi da egun handia, hemendik ordu gutxira igoko dira 8 finalistak oholtzara. Nor izango da Euskal Herriko Bertsolari Txapelketako irabazlea? Joane Azkaine gai jartzaile bezala aritu da txapelketa honetan. Autoan doa BEC-eko finalera, baina trafikoa ez da uste zuen bezain arina A8 autobidean, eta ondoko autoaren geldotasunak bere onetik atera du...
Info7 Irratiak ekoiztutako lehen mikro irrati-nobela da hau. Euskal Herriko Bertsolari Txapelketa Nagusian girotua. Kepa Matxainen ardura izan da gidoia idaztea eta Joane Azkaine eta Mattin Arizmendi bi protagonisten ahotsak jarri dituzte Ixabel Etxeberriak eta Ander Edok.