Duela 50-60 urte, AEBek 67 froga nuklear egin zituzten Marshall Uharteetan (Australiako ipar-ekialdean). Horietako irla bat da Bikini, bi zatiz osatutako bainujantzi ospetsuari izena ematen diona. Garai hartan, probak egin aurretik, uharte batzuk jendez hustu zituzten, gerora itzultzeko aukera izango zutela aginduta. Alabaina, gaur egun oraindik hutsik jarraitzen dute, probek askatutako isotopo erradiaktiboak osasunerako kaltegarriak baitira. Denbora igaro ahala, itzultzeko eskaerek indarra hartu dutela-eta, Columbia Unibertsitateko ikertzaileek sei uharteetako gamma erradiazioa neurtu dute, emaitza kezakagarriekin.