Saioa Iraolak 'Bilgune kontari'-ren eta azken aletik emakumeen aurkako kriminalizazioa nabarmendu digu. Ondoren, Amaia Agirrek eta Ibon Arrizabalagak Info7 irratian maitasun erromantikoaz esandakoak ekarri ditugu eguneko adierazpenen tartera. Frankismo garaia bizi behar izan zuten Legorretako herritarren testigantzez osatutako 'Hurrengo geltokia' dokumentalaz elkarrizketa egin diegu Jon Diaz eta Iban Zunzunegiri. EHAZEko Itziar Eliasek Azkoitiko Matadeixeko VII. Antzerki Jardunaldiez hitz egin digu. Amaitzeko, Harremanak osasun zentroko Olatz Berastegirekin hitz egin dugu nerabezaroan sexualitatea lantzeko kontuan izan beharreko gakoez.