Frantziako eskualde bozak, eskola jantokiak eta MorMoreren 'Bidarri' diskoa
Gure irratiko esatari Ihintza Arrietak Frantziako eskualde hauteskundeek Ipar Euskal Herrian utzitako emaitzak errepasatu dizkigu irratien tartean. Ondoren, Estitxu Eizagirrek Argiaren aste honetako alea aurreratu digu, bereziki, eskola jantokien kudeaketaz ondu duten erreportajea. Gasteizko bost gazteren aurkako polizia jazarpenaz Info7 irratian Beñat Ortiz de Lazkanok esandakoak eguneko adierazpenetan bildu ditugu.
Frantziako eskualde bozak, eskola jantokiak eta MorMoreren 'Bidarri' diskoa
Elkarrizketaren tartean, Arraio irratiko lagunek MorMore musika taldeko kideekin hitz egin dute 'Bidarri' disko berriaz. Komunikazioari zabaltzen diogun tartera Patxi Gaztelumendi batu zaigu eta Durangoko Azokako Kabi@ gunean izandako eztabaidak aipatu dizkigu. Amaitzeko, Urretxuko gizon taldean feminismoaren historiaz hausnartu dutena kontatu digu Iosu Isaiasek.
