Arrosa sareko koordinatzaile Ainhoa Villaverdek asteburuan Korrikan egindako elkarrizketa eta kronikak izan ditugu entzungai gaurko irratien tartean.

Gaurko irratien tartera, Hatsa elkarteak iganderako Senperen antolatutako poesia egunaren berri ekarri du Antxeta irratiko Maia Muruagak. Horrez gain, Arrosa sareko koordinatzaile Ainhoa Villaverdek Korrikako lekukoa eraman duen Nerea Bengoa preso ohiari atzo egindako elkarrizketa ere izan dugu entzungai.

Lakuako Gobernuaren eta Euskararen Erakunde Publikoaren arteko hitzarmenaren berri ekarri du Gure Irratiko Ihintza Arrietak gaurko irratien tartera.

Xorroxin irratiko Julen Zelaieta, Baztango eta Bortzirietako berriak ekarri ditu gaurko irratien tartera. Tertulian, berriz, zahartzaroaz, zaintzaz eta horiez egiten den kudeaketa publikoaz hausnartu dugu Malen Aldalur eta Mikel Garciarekin.

Besteak beste, ostiralean eta larunbatean Tolosan egingo duten lanbide azokaren berri ekarri du Ataria irratiko Iñigo Terradillosek irratien tartera.

Antxeta irratiko esatari Maia Muruagak Joseba Irazokirekin hitz egin du Idurre Azkuerekin batera sortu duen 'Dantzagurea' ikuskizunaz, bihar eskainiko baitute Miarritzen.

Josu Zabalare heriotza argitzeko eskaera, kultura eta kirol kontuak ekarri ditu Sakanatik irratien tartera Beleixe irratiko Maider Beteluk.

Gaurko irratien tartean, Irulegiko irratiko esatari Jojo Bidart batu da eta euren bueltako politika zein gizarte albisteen errepasoa egin du.