Kataluniako independentzia deklaratu du Parlamentuak eta Errepublika independentea eratzeko prozesu konstituziogilea abiarazteko agindua eman dio Generalitateari. Talde soberanistek bi ebazpen aurkeztu dituzte. Lehendabizikoan "Kataluniako Errepublika Estatu independente gisa" aldarrikatzen da; bigarrenean, Kataluniako Errepublika independente hori eratzeko "prozesu konstituziogilea" martxan jartzeko eskatzen dute.
Junts pel Sik eta CUPek aurkeztutako ebazpenak 70 boto jaso ditu alde eta 10 kontra; bi boto zuri izan dira. Ciudadanos, PSC eta PPC taldeetako parlamentariek Ganberatik alde egin dute, protesta moduan bozketa hasi aitzin.
Most read