Kolonbiako eta Hego Ameriketako kooperatiba ezberdinekin harremanak hasi dituzte Olatukoopekoek, bereziki Kolonbiako Cauca eskualdeko kooperatiba batekin. FARCen desmilitarizazio prozesuaren ondoren abiatutako dinamiketako bat, borroka ekonomikoa eta lurralde berreskurapena da. «Lehen sektorean zentratzen dira gehien, eta autonomia gehiago izateko egiturak nahi dituzte sortu». Beñat Irasuegik kontatu digunez, «sare egiturak indartzean» jarri dute azpimarretako bat.