Iaz Hala Bediko kazetariak Ertzaintza Errekaleorrera argindarra moztera joan zenean lekuan bertan jarraipena ari ziren egiten. Mikel Saez de Buruagari eraso egin zion agente batek. Bi hilabetera desobedientzia leporatuz 602 euroko isuna iritsi zitzaion mozal legean oinarrituta. Alegazio guztiak atzera bota dizkiote eta «indefentsio» egoera salatu du Hala Bediko kideak. «Gertakari faltsuetan oinarritzen dira» gehitu du. «Informazio askatasunaren kontrako erasotzat» jo dute eta Lakuako Gobernuaren kontrako salaketa iragarri.