Haur eta nerabe transexualen senideen elkarteko, Chrysalliseko Bea Serverrek esan digunez kolpe gogorra izan da Ekairen heriotza. 'Egungo egoera eta legediak berehala aldatzeko balio dezala' aldarrikatu du. Gazte transexualek izena aldatu edo hormonaziorako psikiatren txostena behar dute, buruko gaitz bezala tratatzen dute, eta horregatik despatologizazioa eskatu du. Jendartearen babesa eskertu du, baina herritarrak informatu eta profesionalak formatu behar direla azpimarratu du. Itxaropena du EAEn lege berria aurki egingo dela, eta Ekai jarriko zaiola lege horri.