Erraiak Azalera izeneko irakurketa zabaldu du EHko Bilgune Feministak indarkeria matxistaren kontrako nazioarteko eguna dela eta. Egunerokoan erraietan ditugun jarrera matxistei aurre egiteko mezua zabaldu du Saioa Iraolak: "Begira diezaiogun ikusten ez denari, begira diezaiegun bikote harremanei, lagun inguruari, familiartekoei, militantzia sareei...". Egindako ibilbidea aitortu, txalotu, eta gertu ditugun testuinguruetan arreta berezia jartzea proposatu du.