"Hika euskararen aberastasunaren adibidea da, batzuek hizkuntza pobretzat duten arren"
Hitanoaren erabilera murrizteaz hitz egin du Alex Artzelusek gaurkoan, besteak beste, Euskal Herriko zein eremutan erabiltzen den eta zeinetan ez azaldu du. Aditzaren aldaerak nolakoak diren ere azaldu du, euskalki bakoitzaren ezaugarriak kontuan izanda.
"Hika euskararen aberastasunaren adibidea da, batzuek hizkuntza pobretzat duten arren"
Loading player...
Hikako tratamendua ez da horren ohikoa adin alde handiko kideen arteko elkarrizketetan, ez behintzat, gazteek zaharrei hitz egiterakoan. Errespetu faltarekin lotzen bada ere, Artzelusek nabarmendu du Nafarroa Beherean ez dutela halakorik uste. Horrez gain, hikako tratamendua gogorra denaren ustea ere hedatua dago, eta geroz eta emakume gutxiagok erabiltzen dutela azaldu du. Erabiltzen dutenek akatsekin erabili arren, Artzelusek erabilera bera lehenetsi du.
