Gehiengoa euskalduna den talde elkarrizketetan erdaldun bategatik erdaraz aritzen gareneko adibidea ekarri du. Errespetuaren ulerkera okerra dugula iruditzen zaio. Gainera, errespetuaren nozioa ez dela bi norabidetakoa salatu du: Nafarroa Beherean bizi da eta hango ezagun zenbait etengabe frantsesera pasatzen direla nabarmendu du, berak ulertuko ez duela pentsatu gabe. Beraz, euskaltzalez mozorrotu arren, ganora gutxi dugula uste du Artzelusek.