Joxe Mari Lopetegi bertsolari errepublikanoa gogoan, ekimen ugari antolatu ditu Irungo bertso eskolak
Joxe Mari Lopetegi bertsolaria ezagutu dugu gaur, Kalegorrian saioan. 1875an Irunen sortu eta, 67 urte geroago, 1942an zendu zen Arrueta-Sarrikotan, Baxe Nafarroan. Bertsolaria eta politikari errepublikanoa izan zen. Bertsolaritza politikoa egiten zuela dio Wikipediak. Eta berari buruz gehiago dakigu, batez ere, Joxan Elosegi itzultzaile eta idazle irundarrak duela 12 urte Lopetegiren bizitza ardatz zuen liburua idatzi zuelako.
Joxe Mari Lopetegi bertsolari errepublikanoa gogoan, ekimen ugari antolatu ditu Irungo bertso eskolak
Gaur egun ordea, Irungo bertso-eskolako lagunak dira, beste hainbat lagun eta elkarterekin batera, Lopetegiren ondarea Irungo herrian zabaltzen eta goraipatzen ari direnak ekimen desberdinen bidez. Iragan urtean ekin zioten buru-belarri lan honi eta datorren urriaren 22rako kantaldia antolatu dute Irungo Udal Kontserbatorioko areto nagusian bertsolari errepublikanoaren bertsoak oinarri dituztela. Aitzakia paregabea Lopetegi bera ezagutu eta Irungo bertso-eskolako lagunekin hitz egiteko. Zehazki, Xabier Bengoetxea eta Aitor Errazkinekin solastu dugu gaur.
