Horrez gain, epaitegietako zenbait albiste eta agenda kontuak ere ekarri ditu. Ondoren, Estitxu Eizagirre Argia astekariko zuzendariak aste honetako zenbakiko eduki nabarmenenak aurreratu ditu. Eguneko adierazpenetan, Lekeitiko 39. Euskal Zine Bilerak Kontxu Odriozola omentzeaz Xabier Arratek Info7 irratian esandakoak izan ditugu entzungai. Gaurko elkarrizketaren tartera Halabediko Igor Goikoleak Irantzu Mendiari joan den ostiralean aurkeztutako Emagune proiektuaz egindakoa ekarri dugu. Komunikazioaren atalera Marijo Deogracias batu da gaur eta Twitter informazio iturri gisa baliatzeak hedabideentzat izan ditzakeen arriskuez hitz egin du. Amaitzeko, Oiartzungo udaletxean ikusgai dagoen Aspanogi elkartearen aldeko erakusketaren berri ekarri dugu Oiartzun irratitik.