Saioa Iraolak 'Bilgune kontari'-ren errepasoa egin digu, bereziki, Tolosako Bizikidetza Foroak antolatutako bake eraikuntzari buruzko hitzaldi zikloaz hitz egin digu. Atzo Lekarozen Aroztegiako proiektuaz egindako galdeketari buruzko balorazioak ekarri ditugu eguneko adierazpenen tartera. Radiokulturako lagunek Asisko Urmenetari egindako elkarrizketaren bidez, Miguel Javier Urmenetaren ibilbide politikoa ezagutu dugu. Xorroxin irratiko lagunek 'Aroztegia eta gero zer?' plataformako Garbiñe Elizegiri egindako elkarrizketa ere izan dugu entzungai. Elkarrizketaren tartean, Gure Esku Dago dinamikako Anjel Oiarbiderekin hitz egin dugu, euskal estatu burujabeaz atzo 34 herritan egindako galdeketak baloratzeko.