EHU Euskal Herriko Unibertsitateak eta Donostia 2016 Fundazioak elkarlanean bultzatutako gradu amaierako proiektuaz hitz egin du Itziar Cortes Etxabek, Elhuyarren itzulpengintzarako teknologien arduradunak. Albaola itsas kultur faktorian publiko egin zen 'Gida eleaniztunak' da proiektu hori. Manex Garaiok sortutako plataforma da, eduki eleaniztunak lantzeko aukera ematen duena, eta museoetarako oso egokia dena. Hain justu, proiektuaren hasieratik parte hartu du Elhuyarrek ere plataforma baliabidez hornitzeko.