Insomnioa oso ohikoa den arren, honen arrazoiak eta ondorioak argitu gabe daude oraindik. Bide horretan, 'Radiology' aldizkarian argitaratu duten ikerketa batek erakutsi du insomnioa duten pazienteek garuneko materia zuria kaltetuta dutela. Materia zuria funtsezkoa da garunaren funtzionamendurako, izan ere, neuronen axoiez osatutako zuntz luzeek osatzen dute materia zuria, eta zuntz horiek garunaren alde desberdinak konektatzen dituzte.