Ondoren, Ikoitz Arrese eta Aimar Etxeberriarekin tertulian murgildu gara, eta ikus-entzunezkoetako homofobiaz hausnartu dugu. Zuriñe Rodriguez ikerlariari egin diogu elkarrizketa, euskal gatazkaren inguruan egin beharreko irakurketa feministaz.  Kultur sormenen tartean, Halabediko Jon Aranburuk eta Ana Revuelta arte kolaboratzaileak Maider Lopez artistaren 'Tokialdatu' erakusketa aipatu digute. Amaitzeko, Laura Mintegik Ashraf Fayadh idazleaz eta Fito Rodriguezek Jose Luis Alvarez Enparantza 'Txillardegi'-z Info7 irratian esanak ekarri ditugu eguneko adierazpenen tartera.