"Gehiago hitz egingo da arazoei buruz, irtenbideei buruz baino" esan du Iñaki Antiguedad hidrogeologian adituak Parisen ospatuko den COP21 gailurrari buruz galdetuta. Aldaketa klimatirkoari aurre egiteko asmoz, ia 200 estatu elkartuko dira astelehenetik aitzinera Parisen. Helburua da, tenperatura 2 gradu igo ez dadin beharrezkoak diren erabakiak adostea. Bi gauza ditu argi Antiguedadek, lehena, COP21 gailurrean hartuko den erabakia loteslea behar duela izan, bertzela hutsaren hurrengoa izango baita. Bigarrena, Parisera hainbeste begiratu beharrean, hemen, gure herrian hartu beharko genituzkela erabakiak.