Finlandiatik abiatuko da beste behin ere Burdinola heavy metal irratsaioa. Nazioarteko berrikuntzen artean, STRATOVARIUS taldearen "Eternal" diskoa izango dute protagonista. Era berean, Annihilator, Trivium, Fear Factory eta Disturbed taldeen berriena eskainiko dute. Herriko Burdina atalean, berriz, Bizkaiko CARNIVOROUS VORACITY bandaren "The Impious Doctrine" lehen diskoa nabarmenduko dute, In Thousand Lakes, Donge eta Lagash taldeen doinuekin batera. Heavy Metal doinuak 23:00etatik aurrera!