Txina, IX. mendea. Erbestean urte mordoa igaro ostean, Nie Yinniang etxera itzuliko da. Moja batek hezi du, eta borroka-arteak irakatsi dizkio. Nie Yinniangek, justiziari erabatekoa bihurturik, tiranoak akabatzea du egitekoa. Maistrak agindu berri bat du Nie Yinniangentzat: Weibo probintzia militarreko gobernadore disidentea hil behar du, Tian Ji'an bere lehengusua. Nie Yinniangek aukeratu egin beharko du: maite duen gizona sakrifikatu edo Hiltzaileen Ordenarekikoak amaitu.
Hou Hsiao-hsienek 1980 eta 1989 bitartean zuzenduriko hamar filmetatik zazpik nazioarteko sari garrantzitsuak jaso zituzten film onenaren eta zuzendari onenaren sailetan, hala nola Venezian eta Berlinen. 1995ean Donostia Zinemaldiak atzera begirako bat eskaini zion. Honako film hauek nabarmentzen dira haren filmografian: A Time to Live, A time to Die (1986), FIPRESCI saria Berlinalen; A City of Sadness (1989), Urrezko Lehoia Venezian; eta The Puppetmaster (1993), Epaimahaiaren saria Cannesen. Jaso duen azken saria zuzendari onenaren saria izan da Canneseko zinema-jaialdian, The Assassin filmagatik.