Oriotik Zarautzera, zenbat altxor!

Mikel Arrizabalagak gaurkoan Orio eta Zarautz artean erraz egiteko ibilbidea proposatu digu. Ez badirudi ere asko dago gure historiaz bide hauetan.  

Loading player...

Mikel Arrizabalagak gaurkoan Orio eta Zarautz artean erraz egiteko ibilbidea proposatu digu. Izenburuan ageri den bezala, bidean Malla Harria edo Mollarrira joango gara. XX. mendeko lehen urteetan Andazarratetik aireko tranbiaren bidez burdin mineralez betetako bagoiak itsas ertzera iristen ziren, itsasontzietan kargatu eta Europara eramateko. Ondare hori ezagutzeaz gain, Iñurritzako biotopo babestura joango gara. Bederatzi kilometro eskaseko ibilbide honetan Arrizabalagak nabarmendu duenez, kostaldeko ezaugarri nagusienetatik ikusiko ditugu: Itsaslabarrak, padurak eta dunak.