Asteburuan LAB Irakaskuntzak 30 urte betetzen dituela-eta ekitaldia egingo dute Usurbilen. Ziklo berri bat abiatzeko asmotik abiatuta, aurrera begira egiteko ildoei eutsiko diete. Urteurrena aitzakiatzat hartuta, egungo euskal hezkuntza sistemaren erradiografia egin eta dituen erronka nagusiak aletzeko solasaldi interesgarria egin dugu. Ibai Redondo, LAB sindikatuko Hezkuntza Politikako arduraduna; Eli Zubillaga, Sortzen Elkarteko koordinatzaile orokorra; eta Joxe Mari Auzmendi, Hik Hasiko koordinatzailea batu ditugu.