"Lege babes egokia behar dugu Euskal Herri euskalduna eraiki ahal izateko"
Euskal Herriko egungo zikloa aldaketa politiko eta juridiko sakonak ekar ditzakeena dela uste du EHE Euskal Herrian Euskarazeko Koldo Zaratek. Hiru eremu administratiboetan aldaketa horietarako borondatea erakutsi dutelako zenbait indar politikok. Horrek, euskaldunon eskubideei ere eragingo diela uste du Zaratek, eta euskararen estatusean onerako aldaketak bermatzea komeni dela.
"Lege babes egokia behar dugu Euskal Herri euskalduna eraiki ahal izateko"
Hizkuntza eskubideen urraketa sistematikoa amaitu eta euskara normalizaziora hurbiltzeko politikak egiteko aukera aldarrikatu du. Berariaz, EAEren kasuari heldu dio, abian baita Gasteizko Legebiltzarrean autogobernu ponentzia. Horretan ari diren alderdiei herritarren hizkuntza eskubideak bermatzeko neurriak jasotzeko lege babesa eskatu die. Herritarrei, berriz, hori bermatzeko presio dinamikekin jarraitzeko deia egin die.
