Bertan deskribatzen den umore modua aipatu du Agirrek, euskaldunok historikoki hizkuntzarekin lotuta bizi izan dugun umore hori. Iruditzen zaio botere posizioetan daudenek dutela umorearen jabetza eta haiek zehazten dutela nork nori eta nola barre egin diezaiokeen. Bide batez, goitik beherako norabide horretan, behekoak erantzuteko ere gaitasunik gabe geratzen direla uste du. Agirrek, gainera, denda batean bizi izandako pasadizoa jarri du horren adibide gisa. Eta umore modu konkretu horren biktima izandakoan erantzun ez izanaren damuaren zama gainean du oraindik.