Emakumeenganako errepresioa Turkian, Gorka Urra luthierra eta bizikidetza Zarautzen
Tolosaldeko berriak gurera ekarriz ekin diogu Zebrabideari, eta Ataria irratiko Iñigo Terradillosek nabarmendu dizkigu euren eskualdeko zenbait albiste. Ondoren, 'Bilgune kontari'-n bildutako edukien errepasoa egin du Bilgune Feministako Idoia Trenorrek gurean, eta bereziki nabarmendu du Turkiako Gobernuak hainbat emakume elkarteren aurka abian duen errepresioa.
Emakumeenganako errepresioa Turkian, Gorka Urra luthierra eta bizikidetza Zarautzen
Etxegabetzeek emakumeengan duten eraginari buruz Joseba Salegik eta Joseba Zalakainek Info7 irratian esandakoak bildu ditugu eguneko adierazpenen tartean. Elkarrizketaren tartean, Gorka Urra luthierra ezagutu dugu Oiartzun irratiko Mirari Martiarenari esker. Ondoren, Maitane Legarreta batu da gurera eta Durangoko Azokako Irudieneari buruz hitz egin eta zenbait film gomendio egin dizkigu. Amaitzeko, bihar Zarautzen izango den 'Bakegintz eta bizikidetza, emakume politikariak mintzo' hitzaldiaren berri ekartzeko, Arraio irratiko lagunek Ainize Muniozgurenekin hitz egin dute.
