Ondoren, Malen Aldalur eta Mikel Garcia batu dira tertuliara eta LOMCEren aurkako borrokari eta euskal hezkuntza sistema propioaren eraikuntzari erreparatu diegu. Bilbo Hiriako Ane Zabalak Akatz musika taldeko Borja Goñirekin hitz egin du 'Vuelta y vuelta' diskoaren aurkezpen biraren azken kontzerturako prestatu dutenaz. Julen Diaz ikerlariak dopin genetikoari buruzko xehetasunak aipatu ditu zientzia atalean. Ekonomia eta gizarte gaien tartean, Euskal Irratietako lagunek Lurramako Iñaki Berhokoirigoini egindako elkarrizketa izan dugu entzungai. Amaitzeko, AEBetako presidentetzarako hauteskundeez Lorea Agirrek, Mertxe Aizpuruak eta Samara Veltek Info7 irratian esandakoak ekarri ditugu eguneko adierazpenetara.