Tertulian, emakume ijitoekiko ditugun aurreiritziez hausnartu dugu Aimar Etxeberria eta Mikel Garciarekin, baita horiek gainditzeko gakoak proposatzen ahalegindu ere. Elkarrizketaren tartera 'Hizpidea' magazinean Onintza Enbeitak feminismoaz aipatutakoak ekarri ditugu. Koop57EHko Liher Gonzalezek joan den asteburuan Arrasaten eta Iruñean egindako azoka solidarioak aipatu dizkigu baita larunbatean Oiartzunen egingo den 'Alternatiben Oihartzuna'-rako deia egin ere. Amaitzeko, MUko Lanki ikertegiko Maider Iriarterekin 'Berrekin. Berregin' egitasmoaz aritu gara, Bergarako Udalarekin elkarlanean garatzen ari diren ekintzailetasun programaz.