Ondoren, Estitxu Eizagirrek Argiaren aste honetako alea aurreratu digu, bereziki, Luis Ortiz Alfau miliziano ohiari egin dioten elkarrizketa. Elkarrizketaren tartean, Halabedi irratiko Igor Goikoleak 'Feministok prest' dinamikako Gixane Moragesekin hitz egin du larunbaterako Gasteizen antolatuta dauden ekintzez. Asteroko komunikazioaren bueltako tartera Patxi Gaztelumendi batu zaigu eta prentsa agerraldien eredua agortu izanaz hausnartu du. Amaitzeko, duela 20 urte Itoizko urtegiaren eraikuntza lanak eteteko egin zuten ekintzan parte hartu zuen Julio Villanuevak Info7 irratian esandakoak ekarri ditugu eguneko adierazpenen tartera.