Azken aldian euskararen inguruko albisteak zeresana ematen ari direla iruditzen zaio AEK-ko Mertxe Mugikari. Hezkuntza komunitateko datuei heldu die, euskararen arloak aurreko neurketan baino emaitza kaskarragoak izan dituelako 2015eko kurtsoan, Araba, Bizkai eta Gipuzkoako LHko 4. eta DBHko 2. mailako ikasleei egindako probetan oinarrituta. Zenbaki eta grafikoekin ezin dela tematu uste du Mugikak, baina emaitza kaskarren erantzukizuna ez dela hezkuntza arautuarena soilik iruditzen zaio. Hain justu, hezkuntza zentrotik irtetean kalean topatzen duten hizkuntzak asko eragiten dielakoan dago, hargatik, eskolak gaindituko dituen estrategia beharrezkoa delakoan dago.