Bake eta burujabetza feminista, haurren baimenak eta euskarazko ikus-entzunezkoak
Oiartzun irratiko esatari Alazne Etxeberriak eta Oarso-Bidasoako Hitzako Urko Etxebestek Oarsoaldeko berriez eginiko errepasoa ekarri dugu irratien tartera. Amaia Zufiak 'Bilgune kontari'-ren azken alea errepasatu digu, bereziki, Amaia Andreuk eta Miren Arangurenek feminismo independentistaren bilakaeraz Info7 irratian kontatu zituztenak gogorarazi dizkigu.
Bake eta burujabetza feminista, haurren baimenak eta euskarazko ikus-entzunezkoak
Loading player...
Elkarrizketaren tartera Nora Salbotx eta Iametza kolektiboko Eli Pombo batu zaizkigu eta Oiartzungo Haurtzaro ikastolan martxan jarri duten 'Haziak' egitasmo hezitzailea aurkeztu digute. Amaitzeko, Jone Etxeberriak Info7 irratian Sorturen azken aldizkari sozioekonomikoaz aipatutakoak jaso ditugu eguneko adierazpenen tartean.
