Larrabetzuko eskola aitzindaria da jantokiaren autogestioan. Jaurlaritzaren diru-laguntzetatik kanpo geratu arren, eskolak betitik autogestionatu du ikastetxeko jantokia eta bertako produktuak eskaintzen dituzte. Guraso elkarteak zuzenean kontratatzen ditu langileak. Armentiako ikastolan berriz, sukaldeaz arduratzen den enpresarekin hitzartutako akordioan lehengaien jatorria erabakitzeko aukera dute eta bertako produktu ekologikoen aldeko apostua egin dute. Larrabetzuko jantokiko arduradun Ekaitz Barrenetxearekin eta Armentiako ikastolako zerbitzuen arduradun Ibai Ruiz de Aretxabaletarekin hitz egin dugu. Hartutako erabakiaren zergatiaz eta emandako urratsen ibilbidez galdetu diegu.