Nafarroako Auzitegi Nagusiak Zilbetiko Alduide mendiko Antzeri pagadian Magna enpresak egin nahi zuen harrobiaren egitasmoa bertan behera utzi du. Halaber, Nafarroako gobernuak iragarri du ez duela kasazio helegiterik jarriko, epaia "irmoa" delako. Gurean Xabier Errea Alduide Mendi Koordinakundeko kideak esan du "pozik" hartu dutela erabakiaren berri, baina bailaran harrobiak sortu duten tentsioa lasaitzeko urte batzuk beharko direla. Haratago, Mendialdearen eta Pirinioetako bailaren garapen sostengarria martxan jartzeko eskatu dio Barkosen gobernuari.
Le plus lu