Itzal baino argi gehiagorekin igaro da, gehiengoarentzat behintzat, aurtengo Durangoko Azoka. Musikari eta literaturari dagokionez, diskoetxe eta argitaletxe guztiak bat datoz esaterakoan 53. edizioan jende andana gerturatu dela Landakora eta salmentetan isla izan duela horrek guztiak. Erregularra izan delakoan daude gehienak.
«Anitza, baikorra eta arrakastatsua». Hala definitu dute antolatzaileek Durangoko Azokaren 53. edizioa. «Gure aurreikuspenak bete eta gainditu dira. Azoka borobila izan da, alderdi kuantitatibo eta kualitatiboan», azpimarratu dute. Estimazioen arabera, 115.000 lagun baino gehiago gerturatu da egunotan Landakora. 2019ko abenduaren 5etik 8ra ospatuko da Azokaren 54. edizioa.
Aurtengoa azken urteetako ediziorik jendetsuena izaten ari den sentsazioa da nagusi Durangoko Azokan. Jendetza dabil bai Landakon bertan bai inguruko txokoetan, Azokaren eskaintza kulturalari erantzunez. Kontzertuetara sartzeko ilarak egon ziren atzo, baita zenbait solasaldi entzuteko ere.
Egin du bide erdia Durangoko Azokak eta orain arte emandakoari –eta saldutakoari– termometroa sartu diogu utzi digun lekutik. Editoreengandik zirrikitua aurkituta, badirudi Azoka bero doala eta ez duela aurtengoan, momentuz, hotzik nabaritu. Merkurio literarioari begirada bat, meridiano zentraletik.
Azoka iritsi da bere erdira, ekuadorrera, bidearen zati bat gainetik kenduta. Editoreen iritziak batuta, ostegunekoa izan da egunik indartsuena. Gazteak badabiltza erosketetan, baita emakumeak ere.
Le plus lu