Belarouat proiektua onartuta, 2004az geroztik itxita egon den Belaguako aterpetxea berreraiki eta bi urteren buruan zabalik egotea espero dute. Hala esan digu Nafarroako Mendi eta Eskalada Federazioko presidenteorde Koldo Aldazek. Aldaz 12 urtez aterpetxeko zaindari izan zen, eta pozik dago lanak abian jarriko direlako. Erronkariko aterpeaz gain, Lescunen dagoen L'Abérouat aterpetxea eta bidexkak hobetuko dituzte besteak beste.