Gaurko saioan Nuria Amezcua arabarra elkarrizketatu dugu. Amezcua hiru urtez egon zen Madrilgo errendimendu altuko zentruan taekwondoa praktikatzen beka bati esker.
Gaurko saioan Irantzu Garcia Curling-eko jokalariak bere anaia Gontzalekin batera irabazi berri duen Espainiako txapelketa mistoaren berri eman digu.
Gaurko Kirol Leihoan Athleticek Atletico Madrilen aurka lorturiko garaipena eta bere lidertzaren sendotzea aztertu ditugu Iraia Iturregi taldeko kapitainarekin.
Gaurko Kirol Leihoan lehenbizikoz (salbuespen moduan) gizonezko kirolari bat elkarrizketatu dugu. Protagonista igeriketa sinkronizatuan diharduen Pau Ribes kataluniarra izan da. Helburua, kirolak sexurik ez duela erakustea. Izan ere, Pauk aurreiritzien aurka borrokatu behar izan du urteetan zehar jende askok emakumezkoen kirol moduan ikusi duena praktikatzeagatik.
Gaurko saioan Naxari Altuna ETBko kazetariarekin aztertu dugu Oiartzun eta Athleticen arteko derbia. Halaber, euskal taldeen osasuna ere baloratu dugu berarekin.
Bestalde, partida zuzenean ikusi zuen Jon Maia bertsolariak bere ikuspuntua eman digu eta gainera bertso dotore bat oparitu digu.
Ane Bergararekin (Bartzelona) Realaren aurka jokatu zuten partida xehetu dugu eta Bartzelonan egin dituen lehen hilabeteen berri ere eman digu.
Gaurko saioan Garbiñe Etxeberria Realeko emakumezkoen futbol taldeko kirol teknikaria elkarrizketatu dugu. Berarekin taldeak burutu duen liga hasiera ikusgarria, iragan denboralditik aurtengora taldeak izandako aldaketak eta hurrengo astean Athletcen aurka jokatu duten derbia aztertu ditugu.
Gaurko saioan Alhambra Nievas errugbiko epailea elkarrizketatu dugu. Errugbiko Nazioarteko Federazioak munduko 3 epaile onenen artean hautatu zuen Nievas duela gutxi Nigel Owens eta Jerome Garcesekin batera.
Gaurko saioan Paloma del Rio TVE-ko kazetaria elkarrizketatu dugu. Berarekin emakumeek kirol erredakzioetan burutu duten bidea eta alor horretan leku bat egiteko pairatu behar izan dutena errepasatu dugu. Halaber,emakumezkoen kirolaren gainean duen iritzia ere eman digu.
Gaurko saioan Tianqi Zhang kazetari txinatarra elkarrizketatu dugu. Tianqik Bartzelona futbol taldearen gaineko informazioa lantzen du Txinako QQ hedabidearentzat. Bere ibilbidea, Bartzelonan egiten dituen lanak eta Txinan emakumezkoen kirolak duen egoera izan ditugu hizpide berarekin.
helbidera egiaztapen mezu bat bidali dizugu. Joan zure emailera eta egin klik estekan egiaztatzeko.
Irakurriena