ELAk ezohiko Nazio Kontseilua egin du gaur. Pasaden uztailaren 21ean CCOO, UGT eta Confebaskek hitzarmen kolektiboaren gainean akordioa egin zuten "Eusko Jaurlaritzaren babespean". Hala salatu du ELAko komunikazio arduradun Iban Jimenezek.

Ikasturte honek lorpen bat ekarri du Iruñean, gaztelaniazkoak izatetik euskarazkoak izatera igaro dira Arrosadia eta Donibaneko haurreskolak. Gora beheratsua izan da prozesua, udalak hartutako erabakiari salaketa jarri eta behin behinean eten ostean. Baina debekuak igarota gurasoak, haurrak eta hezitzaileak gustura. Halere, hizkuntzaren desorekak jarraitzen duela gogorarazi digute gurasoek.

Sorreratik aldarrikatu du GuraSOS elkarteak herritarrek erraustegiaren gaineko eztabaidan parte hartu behar dutela. Joxe Mari Izetak "demokraziaren, eztabaidaren eta adostasunaren" aldeko jailaia izango dela Abuztock azaldu digu. Igande honetan ospatuko da Donostiako Kristinaenean.

Zumaian hilabeteak dira kaleko pankarta, kartel edota muralak ezabatzen hasi zela udala. "Kalea guztiona da" ekimeneko Peiok azaldu digunez, "alkateak inorekin konpartitu gabe inposatu du debekua". Udalak nahi duen "garbitasun ordenantza" onartu gabe hasi dira debekua ezartzen. Eragile askoren babesa jaso dute "kalea guztiona da" ekimeneko kideek.

XVI.mendeko San Juan baleontziaren erreplika garaian erabiltzen zuten materialarekin ari dira eraikitzen. Burgosen egiten dute galipota modu tradizionalean, eta Cabaña Real de Carreteros elkartearekin galipota gurdi bidez ekarriko dute Pasai San Pedrora. Enara Novillo Albaolako kidearekin izan gara eta Burgostik abiatu duten 18 eguneko ibilbideari buruz galdetu diogu.

Sustrai Erakuntza Fundazioa Barkosen gobernuak egindako Nafarroako Plan Energetikoaren zirriborroari buruz arituko dira larunbatean Iruñean egingo duten jardunaldian. Martin Zelaiak esan digunez "badaude puntu positiboak, ekimen batzuk indartu edota geratu dituzte baina beste batzuekin aurrera jarraitzen dute".

Nafarroako Kimiki Azokak eskatutako 14 lanetatik bi marrazki zentsuratu dizkio H28 aldizkari satirikoari. Opus Deiri buruzkoa da bata, eta torturaren ingurukoa bestea. Horren aurrean ez parte hartzea erabaki dute Patxi Uhartek kontatu digunez. "Ideologikoki okerrak direla" edota jasotzen dituzten diru laguntzak "arriskuan egon litezkeela" esan diete Tiza izeneko elkartetik.

Mattin Ostolaza eta Jason Gutierrezek etxe alboan duten Zarautz Beer Companyra egin dute bisita. Zarauztartutako Arnau kataluniarrak eman dizkie azalpen guztiak. Berak egiten du guztia, eta esperimentazioa du gustuen. Menoska izeneko Robust Porter motakoa eta Pale Ale gisako Earra dastatu ditugu.