Haritz Larrañagak gidatutako «Uhaina Bikaina» saioa ez zen ohiko surf saio bat. Eta horren adibide da Larrañagak berak aukeratutako perla hau. Ez du azalpenik behar: entzun!

Kepa Acero surflaria elkarrizketatu zuen Haritz Larrañagak "Uhaina Bikaina» saioan. Zarauztarrak aitortu digu surflari eredugarria dela Acero bere ustetan, eta gainera gustatzen zitzaiola aurrera eramaten ari zien proiektu berrian. 5 kontinentetako 5 olatu hartu nahi zituen Acerok eta  "Uhaina Bikaina" saiora gonbidatu zuen. Alaskan hasi eta Patagonian amaitu zen bidiak aritu ziren. 

«Ongi etorriak ia danok» agur xelebre horrekin ematen zion hasiera Haritz Larragak "Uhaina Bikaiana" saioari. Surf kontuak nagusitzen baziren ere, ezin zen hura definitu ohiko kirol saio baten moduan. Hori baino askoz ere gehiago zen «Uhaina Bikaina». Haritz Larrañagak leku egiten zien, musika, kritika, historia eta istorio, txutxumutxuei ere....«surlarien miseriak biluztuko dituen irratsaioa» hala definitzen zuen

Oroitzapen eta perla gehiago gogoratu ditugu #AgurInfo7 tertulian etxe honetako bi zarauztarrekin. Izan ditugu surf kontuak, nazioarteko gaiak, albisteak, garagardo artisau dastaketak...nahasketa dexentekoa, beraz. Eta hori guztia bi lagunekin. Bi gauza konpartitzen dituzten bi lagun. Guk dakigula, behintzat, konpartitzen dute abizena eta jaioterria. Larrañagatarrak dira eta Zarauzkoak. Oihan eta Haritz Larrañaga. Beraiekin ere gogoratu ditugu irrati honetako #perlak.

Agin Laburuk gidatzen zuen arratsaldero «Bostetako Diligentzia» saioa. Umore saio bat ez bazen ere, umorea oso presente zegoen saio osoan. #AgurInfo7Perlak tartean edizio lan ederra egin du Larraitz Otazo teknikariak eta saioko  txiste onenak bildu ditu. Gure itxiera dela eta egiten ari garen tertulia berezietan jarri diogu muntaia berezia Agini, eta pentsa,  lotsagorritu dugu! 

Urtarrila hasieran Bilbon egiten den giza eskubideen aldeko manifestazio erraldoiaren jarraipena maiz egin dugu Info7 irratian. Batzuetan, La Casillatik, besteetan, Udaletxetik, gure helburua izan da beti manifestazioaren jarraipena egiteaz gain bertaratutakoei ahotsa ematea, hedabide batzuetan kontatzen ez denari argia ematea. Ekhiñe Atorrasagastik 2010eko manifestazioan egindako konexioa berreskuratu nahi izan du #agurInfo7perlak moduan. 

2011ko Korrika Trebiñon hasi eta Donostian bukatu zen, Ilaski Serranok eta Kike Amonarrizek egin zuten amaierako mezua, GOSE taldeak jarri zion doinua eta Euskaltzaindia omendu zen. Info7 irratian jarraipen berezia egin zitzaion Korrikari, Ekhiñe Atorrasagasti aritu zen berriemaile gisa, horrelako kontatu zituen Korrikako azken metroak. Xabier Mendigurenek zeraman lekukoa eta AEK-ko Edurne Brouardek hartu zion lekukoa.

Gabonen atarian egindako agur berezia aukeratu du Ekhiñe Atorrasagastik perla moduan. Albistegietako gidaria zen Atorrasagasti eta albistegi bukaeran agur berezia egin zuen: agur berezia preso eta dispertsatuta zeuden Garikoitz Mugika eta Ion Telleria lankideei. Zetorren urteari ere eskari berezia egin zion Atorrasagastik....bazkide gehiago!