Elegantziaz, sentimenduz, melankoliaz eta etxeko sor-markarekin kaleratu du Izaki Gardenak taldeak 'Dena Oskol' azken lana. Jon Basaguren abeslari eta gitarjoleak lan berrian «zerbait berria, ezberdina, motibagarria» egin nahi izan dutela esan digu. Biniloan ere atera dutenez, zortzi abesti ditu, lau alde bakoitzeko. Disko orekatua da, kantu motelak, gitarreo azkarragoarekin nahasten direnak. Nitasunetik, gutasunera eta zutasunera egin du jauzi disko berrian, inguruan ikusten duenari, argazkiei, momentuei abestuaz modu metaforikoan.