Hasieran zalantzan jarri bada ere, euria ez da oztopo izanen Donostiako Piratentzat eta aurrera jarraitzen dute Donostia abordatzeko prestaketekin.  1400 lagunek eman dute jada izena gaurko abordaiarako, baina Piratetako kideek ohartarazi digutenez «azken orduko izen emateak beti izaten dira» eta kopurua igoko dela badakite. Goizeko zazpietatik dabilza bolondresak antolaketa lanetan, eta eguerdia hurbildu ahala hasi dira kuadrilak beraien balsa egitera,dena prest eduki beharko dute arratsaldeko bostetarako, orduan hasiko baitira Donostiako Piratak hiriaren abordatzea.