Nafarroako Gobernuak bertsolaritza Kultur Intereseko Ondasun izendatu du, ondare materiagabekoaren kategorian. Bertsolaritzarentzat ez ezik, euskal kulturarentzat izendapena garrantzitsua dela adierazi du Gontzal Agotek, Nafarroako Bertsozale Elkarteko lagunak. Ekainaren 20an izendapen honen aurkezpen ekitaldi publikoa egingo da, arratsaldeko 18ean Nafarroako Museoan.