Altsasun izandako atxiloketen eta euren kontra emandako sententziaren inguruan galdegin diogu Maialen Begiristaini, eskubide zibil eta politikoen aldeko, ELEAK mugimenduko kideari.  Epaia bera «injustua» izan da Begiristainen irudikoz. Egoera politikoa aldatu bada ere, Euskal Herrian salbuespen legediak aplikatzen jarraitzen dutela deitoratu du. Halaber, politika horiek bertan behera uzteko «herriaren presioa areagotu» behar dela uste du Begiristainek.