Datorren astelehen eta asteartean estreinatuko du Kukai Dantza konpainiak 'Erritu' lana Aralarko San Migel Santutegiaren kanpoaldean. Jon Maya zuzendari eta dantzariak bizitzan egiten ditugun errituen kontakizuna dela aurreratu digu: norberaren bilaketa prozesua, eraldaketa, garapena, heriotza... Sharon Fridman koreografoarekin egin dute lan. Estreinuaren ondoren, antzokietara eta kultuzko lekuetara eramango dute 'Erritu'.