Euskal gatazkaren baitan, biktimak eta presoak izan dituzte hizpide asteburuan Baiona eta Biarritzeko foroetan. Baionan biktima guztiei errespetua adierazi eta norberak iraganean egindakoarekin kritiko izatearen beharra azaleratu zen. Ahots ezberdinak entzun ziren. Tartean Karmen Galdeano, GALek hil zuen Xabier Galdeanoren alabarena eta Jexux Mari Mujika, ETAk hildako Joxe Mari Kortaren lagunarena. Foroaren aurretik GARAko Idoia Erasori heriotza hauek utzitako aztarnaz, biktimen tratamenduaz eta izan beharreko paperaz erantzun zioten.