Zuzeneko musika entzuteko aukeraz gain, musikaren ertz ezberdinak bizitzeko modu berri bat proposatzen du Beratu jaialdiak Nerea Zubia Oñatiko kultura zinegotziaren esanetan. Sormenean eta musikaren eszenan murgiltzeko aukera emango du jaialdiak, topagunea izango da. Musikarien eta profesionalen arteko topaketak egongo dira, baita hitzaldi, musika azoka eta zuzeneko emanaldi akustikoak ere.