Nafarroako korridorearen eta Euskal Y-ren arteko lotura Arabako lautadatik egitea hobetsi ondoren, bertako bizilagunak mobilizatzen hasi dira eta 'AHTrik Ez! Lautada' izeneko plataforma sortu dute. Iñigo Lezak esan digunez, atzeraezinezko kalteak eragingo lizkioke azpiegiturak inguruari. Trenaren kontra ez daudela esan digu, trena nahi dutela, baina egungoa hobetuz eta bertako bizilagunentzat zerbitzua indartuz. Alegazio herritarrak jasotzeko kanpainan daude.