Sandra Barrenetxearen tortura salaketen epaiketa egingo da martxoan Bilboko auzitegian. Lau Guardia Zibil epaituko dituzte, torturak leporatuta. Duela zazpi urte atxilotu zuten Barrenetxea sarekada batean, eta torturatu egin zutela salatu zuen. Sentsazio "gazi-gozoak" aipatu dizkigu. "Pozik" dago torturatzaileak behintzat auzitegira joango direlako, baina gertaturikoa gogoratzeak "barrua" mugitzen dio. Uste du egun inork gutxik jartzen duela Euskal Herrian zalantzan tortura erabili dela. "Erantzunkizun bateratua, konpromezu kolektiboa eta aterabide integrala" eman behar zaiola torturari uste du, "aitortza orokorrak norberaren prozesuan" laguntzen duelakoan.